Question:
ഇന്ത്യയിൽ ദാരിദ്ര നിർണയവുമായി ബന്ധപ്പെട്ടുള്ള കമ്മീഷൻ :
Aലക്‌ഡാവാല കമ്മീഷൻ
Bസുരേഷ് ടെണ്ടുൽക്കർ കമ്മീഷൻ
Cസി. രംഗരാജൻ കമ്മീഷൻ
Dഇവയെല്ലാം
Answer:
D. ഇവയെല്ലാം
Explanation:
ലക്‌ഡാവാല കമ്മീഷൻ
- ഇന്ത്യയിലെ ദാരിദ്ര്യരേഖ നിശ്ചയിക്കാൻ സാമ്പത്തിക വിദഗ്ധൻ പ്രൊഫസർ ഡി ടി ലക്‌ഡാവാലയുടെ നേതൃത്വത്തിൽ 1993-ൽ സ്ഥാപിച്ച കമ്മിറ്റിയാണ് ലക്‌ഡാവാല കമ്മിറ്റി.
- ഈ കമ്മറ്റിയുടെ ശുപാർശകൾ പ്രധാനമായും അരി,പരിപ്പ് ,മാംസം, മത്സ്യം, മുട്ട, പച്ചക്കറികൾ, പഴങ്ങൾ എന്നിമാംസംടുന്ന പോഷകാഹാര ലഭ്യത എല്ലാ വിഭാഗം ആളുകൾക്കും ഉറപ്പുവരുത്തുക എന്നതായിരുന്നു.
സുരേഷ് ടെണ്ടുൽക്കർ കമ്മിറ്റി
- 2009ൽ രൂപീകരിക്കപ്പെട്ട കമ്മിറ്റി.
- കലോറി ഉപഭോഗത്തെ അടിസ്ഥാനമാക്കിയുള്ള ദാരിദ്ര്യം കണക്കാക്കുന്നതിൽ നിന്ന് വ്യത്യസ്തമായി മറ്റു മാനദണ്ഡങ്ങൾ ഉപയോഗിച്ചുകൊണ്ടാണ് ഈ കമ്മിറ്റി പ്രവർത്തിച്ചത്
ഈ സമിതി താഴെ പറയുന്ന ശുപാർശകൾ നൽകി :
- ഇന്ത്യയിലെ ഗ്രാമങ്ങളിലും നഗരങ്ങളിലും ഉടനീളം ഒരു ഏകീകൃത ദാരിദ്ര്യരേഖ ബാസ്കറ്റ് (PLB) ക്രമപ്പെടുത്തുക.
- വില ക്രമീകരണവുമായി ബന്ധപ്പെട്ട സ്ഥലപരവും താൽക്കാലികവുമായ പ്രശ്‌നങ്ങൾ പരിഹരിക്കുന്നതിന് വില ക്രമീകരണ നടപടിക്രമത്തിലെ മാറ്റങ്ങൾ ശുപാർശ ചെയ്തു
- ദാരിദ്ര്യം കണക്കാക്കുമ്പോൾ ആരോഗ്യത്തിനും വിദ്യാഭ്യാസത്തിനുമുള്ള സ്വകാര്യ ചിലവുകളെ കൂടെ സംയോജിപ്പിക്കുക.
സി. രംഗരാജൻ കമ്മീഷൻ
- 2012ൽ രൂപീകരിക്കപ്പെട്ടു.
- മുൻകാലത്ത് ടെണ്ടുൽക്കർ കമ്മിറ്റി നൽകിയ ശുപാർശകളെ നിരാകരിച്ചു.
- രംഗരാജൻ കമ്മിറ്റി റിപ്പോർട്ട് പ്രകാരം നഗരങ്ങളിൽ 47 രൂപയിൽ താഴെ ചെലവിടുന്ന വ്യക്തികളെ ദരിദ്രരായി കണക്കാക്കണം.
- ഗ്രാമങ്ങളിൽ പ്രതിദിനം 32 രൂപയിൽ താഴെ ചെലവിടുന്ന വ്യക്തികളെയും ദരിദ്രരായി കണക്കാക്കണം എന്ന് കമ്മിറ്റി ശുപാർശ ചെയ്തു.