Question:
ദേശീയ വിജ്ഞാന കമ്മീഷൻ നിലവിൽ വന്ന വർഷം ഏതാണ് ?
A2005 ജൂൺ 13
B2005 ജൂലൈ 13
C2005 ഒക്ടോബർ 13
D2005 ഓഗസ്റ്റ് 13
Answer:
A. 2005 ജൂൺ 13
Explanation:
ദേശീയവിജ്ഞാന കമ്മീഷൻ
- അറിവില്‍ അധിഷ്ഠിതമായ ഒരു നല്ല സമൂഹത്തെ വികസിപ്പിച്ചെടുക്കുക എന്നതാണ് ദേശീയ വിജ്ഞാന കമ്മീഷന്റെ പ്രധാന ലക്ഷ്യം.
- ദേശീയവിജ്ഞാന കമ്മീഷൻ നിലവിൽ വന്നത് : 2005 ജൂൺ 13
- 2005 ഒക്ടോബര്‍ 2 മുതല്‍ 2008 ഒക്ടോബര്‍ 2വരെ മൂന്നുവര്‍ഷമായിരുന്നു ആദ്യം പ്രവർത്തന കാലാവധി നിശ്ചയിച്ചിരുന്നത്.
- പ്രധാനമന്ത്രിയുടെ ഉന്നതോപദേശക സമിതി കൂടിയായിരുന്നു ദേശീയ വിജ്ഞാന കമ്മീഷന്‍.
- ദേശീയ വിജ്ഞാന കമ്മീഷന്റെ ആദ്യ ചെയർമാൻ : സാംപിത്രോഡ
- 2014 ൽ അധികാരത്തിലെത്തിയ NDA ഗവൺമെന്റ് ദേശീയ വിജ്ഞാന കമ്മീഷനെ പിരിച്ചുവിട്ടു
ദേശീയ വിജ്ഞാന കമ്മീഷന്റെ ഉദ്ദേശ്യലക്ഷ്യങ്ങള്‍.
- ഇരുപത്തൊന്നാം നൂറ്റാണ്ടിന്‍റെ വൈജ്ഞാനിക വെല്ലുവിളികള്‍ നേരിടാന്‍ തക്കവണ്ണം ഭാരതത്തിന്‍റെ വിദ്യാഭ്യാസ സമ്പ്രദായത്തെ മികവുറ്റതാക്കി തീര്‍ക്കുക
- വൈജ്ഞാനിക മേഖലയില്‍ ഭാരതത്തിന്‍റെ മത്സരബുദ്ധി വളര്‍ത്തുക
- ശാസ്ത്ര-സാങ്കേതിക പരീക്ഷണശാലകളില്‍ വിജ്ഞാന സൃഷ്ടിയെ പ്രോത്സാഹിപ്പിക്കുക.
- ബൌദ്ധികാവകാശ സംരക്ഷണവുമായി ബന്ധപ്പെട്ട് പ്രവര്‍ത്തിക്കുന്ന സ്ഥാപനങ്ങളുടെ നടത്തിപ്പ് മെച്ചപ്പെടുത്തുക.
- കൃഷിയിലും വ്യവസായത്തിലും പുതിയ പുതിയ അറിവുകള്‍ പരീക്ഷിക്കുന്നതിനെ പ്രോത്സാഹിപ്പിക്കുക.
- സര്‍ക്കാരിനെ സുതാര്യവും കഴിവുറ്റതും വിശ്വസനീയവുമായ ഒരു പ്രജാക്ഷേമ സംരംഭമാക്കി തീര്‍ക്കുന്ന വിധത്തില്‍ പുതിയ അറിവുകള്‍ ഉപയോഗിക്കുന്നതിനെ പ്രോത്സാഹിപ്പിക്കുക.
- പൊതു ജനനന്മയ്ക്കായി അറിവ് പങ്കുവെയ്ക്കുന്നതിനെ പ്രോത്സാഹിപ്പിക്കുക.