ഹിന്ദുസ്ഥാൻ എയ്റോനോട്ടിക്സ് ലിമിറ്റഡ് നിർമ്മിച്ച് തീരസംരക്ഷണ സേനയുടെ ഭാഗമാകുന്ന ഹെലികോപ്റ്റർ ഏതാണ് ?
Aചേതക്
Bചീറ്റ
Cഹെറോൺ
Dധ്രുവ്
Answer:
D. ധ്രുവ്
Read Explanation:
ധ്രുവ് MK III
ആത്മനിര്‍ഭര്‍ ഭാരതിന്റെ ഭാഗമായി ഇന്ത്യ തദ്ദേശീയമായി രൂപകല്‍പന ചെയ്യുകയും നിര്‍മിക്കുകയും ചെയ്തതാണ് MK-III ശ്രേണിയില്‍പെട്ട ധ്രുവ് ഹെലികോപ്റ്റര്‍.
ഹിന്ദുസ്ഥാൻ എയ്റോനോട്ടിക്സ് ലിമിറ്റഡ് വികസിപ്പിച്ചെടുത്ത ഒരു മൾട്ടി പർപ്പസ് ഹെലിക്കൊപ്പ്റ്റർ ആണിത്.
ഈ ശ്രേണിയിലെ പത്തു ഹെലികോപ്റ്ററുകളാണ് തീരസംരക്ഷണ സേനയ്ക്ക് നൽകിയത്.
അത്യാധുനിക സെന്‍സറുകളും ആയുധങ്ങളും ഉള്‍ക്കൊള്ളുന്ന ഹെലികോപ്റ്ററാണ് ധ്രുവ് MK III.
ഈ ഹെലികോപ്റ്ററുകളില്‍ ആധുനിക നിരീക്ഷണ റഡാറും ഇലക്ട്രോ ഒപ്റ്റിക്കല്‍ ഉപകരണങ്ങളും ഘടിപ്പിച്ചിട്ടുണ്ട്.
പകലും രാത്രിയും ഏതു കാലാവസ്ഥയിലും, ദീര്‍ഘദൂര തിരച്ചിലിനും, രക്ഷാ പ്രവര്‍ത്തനങ്ങള്‍ക്കും, സമുദ്ര നിരീക്ഷണങ്ങള്‍ക്കും ഈ ഹെലികോപ്റ്ററുകള്‍ ഉപയോഗിക്കാനാകും.
കൂടാതെ പ്രതിരോധ ആവശ്യങ്ങള്‍ക്കായി ഒരു ഹെവി മെഷീന്‍ഗണ്ണും
ഗുരുതരാവസ്ഥയിലുള്ള രോഗികളെ എയര്‍ലിഫ്റ്റ് ചെയ്യുന്നതിനായി, നീക്കം ചെയ്യാവുന്ന വിധത്തിലുള്ള മെഡിക്കല്‍ ഇന്റന്‍സീവ് കെയര്‍ യൂണിറ്റും ഇതില്‍ ഘടിപ്പിച്ചിട്ടുണ്ട്.
