- ഭൂപ്രകൃതി, പർവതനിരകളുടെ ക്രമീകരണം, ഭൂരൂപങ്ങൾ എന്നിവയിലുള്ള വ്യത്യാസ ങ്ങളുടെ അടിസ്ഥാനത്തിൽ ഹിമാലയത്തെ താഴെപ്പറയുന്ന ഉപവിഭാഗങ്ങളായി തിരിക്കാം.
(i) കശ്മീർ അല്ലെങ്കിൽ വടക്ക് പടിഞ്ഞാറൻ ഹിമാലയം
(ii) ഹിമാചൽ-ഉത്തർഖണ്ഡ് ഹിമാലയം
(iii) ഡാർജിലിങ് സിക്കിം ഹിമാലയം
(iv) അരുണാചൽ ഹിമാലയം
(v) കിഴക്കൻ കുന്നുകളും പർവതങ്ങളും
കാശ്മീർ അല്ലെങ്കിൽ വടക്ക് പടിഞ്ഞാറൻ ഹിമാലയം
- കാരക്കോറം, ലഡാക്ക്, സസ്‌കർ, പിർപഞ്ചൽ എന്നീ പർവതനിരകൾ ഇതിലുൾപ്പെടുന്നു.
- കശ്മീർഹിമാലയത്തിന്റെ വടക്ക് കിഴക്ക് ഭാഗം ഒരു ശീതമരുഭൂമിയാ ണ്.
- അത് ഗ്രേറ്റർ ഹിമാലയത്തിനും കാരക്കോറം പർവതനിരയ്ക്കുമിടയിലാണ്.
- ലോക പ്രശസ്‌തമായ ഹിമാനികളായ സിയാച്ചിനും ബോൽതാരോയും ഈ പ്രദേശത്ത് കാണപ്പെടുന്നു.
- കുങ്കുമപ്പൂവ് കൃഷിക്ക് അനുയോജ്യമായ കരേവ മണ്ണിനത്തിനും കശ്മീർ ഹിമാലയം പ്രസിദ്ധമാണ്.
- ഗ്രേറ്റ് ഹിമാലയത്തിലെ സോജില, പിർപ ഞ്ചലിലെ ബനിഹാൾ, സ്‌കർ പർവതനിരയിലെ ഫോട്ടുലാ, ലഡാക് മലനിരയിലെ കർദുങ് ലാ എന്നിവയാണ് ഈ പ്രദേശത്തിലെ പ്രധാന ചുരങ്ങൾ.
- ദാൽ, വൂളാർ എന്നീ ശുദ്ധജല തടാകങ്ങളും പാംഗോങ് സോ (Panggong Tso), സോ-മൊരിരി എന്നീ ലവണജല തടാകങ്ങളും ഈ മേഖലയിൽ കാണപ്പെടുന്നു.
- സിന്ധുനദിയും അതിന്റെ പോഷകനദികളായ ചെനാബ്, ത്സലം എന്നിവയുമാണ് കശ്മീർ ഹിമാലയത്തിലെ പ്രധാന നദികൾ.
