Question:
പേശീപ്രവർത്തനങ്ങളെ ഏകോപിപ്പിച്ചു ശരീര തുലനില നിയന്ത്രിക്കുന്ന മസ്തിഷ്ക ഭാഗം ഏതാണ് ?
Aസെറിബെല്ലം
Bതലാമസ്
Cസെറിബ്രം
Dമെഡുല്ല
Answer:
A. സെറിബെല്ലം
Explanation:
മസ്തിഷ്കത്തിൻ്റെ ഘടനയും ധർമങ്ങളും:
സെറിബ്രം (Cerebrum)
- മസ്തിഷ്കത്തിൻ്റെ ഏറ്റവും വലിയ ഭാഗം
- ധാരാളം ചുളിവുകളും മടക്കുകളും കാണുന്നു.
- സെറിബ്രത്തിൻ്റെ ചാരനിറമുള്ള പുറംഭാഗത്തെ കോർട്ടക്‌സ് എന്നും വെളുത്ത നിറമുള്ള ഉൾഭാഗത്തെ മെഡുല്ല എന്നും വിളിക്കുന്നു.
- ചിന്ത, ബുദ്ധി, ഓർമ, ഭാവന എന്നിവയുടെ കേന്ദ്രം.
- ഇന്ദ്രിയാനുഭവങ്ങൾ ഉളവാക്കുന്നു.
- ഐഛികചലനങ്ങളെ നിയന്ത്രിക്കുന്നു.
സെറിബെല്ലം (Cerebellum)
- മസ്തിഷ്കത്തിൻ്റെ രണ്ടാമത്തെ വലിയ ഭാഗം.
- സെറിബ്രത്തിനു പിന്നിൽ താഴെ രണ്ടു ദളങ്ങളായി കാണുന്നു.
- ചുളിവുകളും ചാലുകളുമുണ്ട്.
- പേശീപ്രവർത്തനങ്ങളെ ഏകോപിപ്പിച്ച് ശരീര തുലനനില പാലിക്കുന്നു
മെഡുല്ല ഒബ്ലോംഗേറ്റ (Medulla oblongata)
- സെറിബ്രത്തിനു ചുവടെ സെറിബെല്ലത്തോടു ചേർന്നു ദണ്ഡാകൃതിയിൽ കാണുന്നു.
- ഹൃദയസ്പന്ദനം, ശ്വാസോഛ്വാസം എന്നീ അനൈച്ഛിക പ്രവർത്തനങ്ങളെ നിയന്ത്രി ക്കുന്നു.
തലാമസ് (Thalamus)
- സെറിബ്രത്തിനു താഴെയായി കാണപ്പെടുന്നു.
- സെറിബ്രത്തിലേക്കും സെറിബ്രത്തിൽ നിന്നുമുള്ള ആവേഗപുനഃപ്രസരണ കേന്ദ്രം.
- ശരീരത്തിന്റെ വിവിധ ഭാഗങ്ങളിൽ നിന്നുള്ള ആവേഗങ്ങളെ പരിശോധിച്ച് പ്രാധാന്യമുള്ളവയെ സെറിബ്രത്തിലേക്ക് അയക്കുന്നു
ഹൈപ്പോതലാമസ് (Hypothalamus)
- തലാമസിനു തൊട്ടുതാഴെ കാണപ്പെടുന്നു
- ആന്തരസമസ്ഥിതി പരിപാലനത്തിന് പ്രധാന പങ്കു വഹിക്കുന്നു.