Question:
ബ്രിട്ടീഷുകാർക്കെതിരെ കേരളത്തിൽ നടന്ന ആദ്യ സംഘടിത കലാപം ഏത് ?
Aകുറിച്യ കലാപം
Bആറ്റിങ്ങൽ കലാപം
Cകുളച്ചൽ യുദ്ധം
Dമാപ്പിള കലാപം
Answer:
B. ആറ്റിങ്ങൽ കലാപം
Explanation:
ആറ്റിങ്ങൽ കലാപം
കേരളത്തിലെ ബ്രിട്ടീഷ് ശക്തിക്കെതിരെയുണ്ടായ ആദ്യത്തെ സംഘടിത ജനകീയ കലാപം.
ആറ്റിങ്ങൽ കലാപം നടന്ന വർഷം - എ.ഡി 1721 ഏപ്രിൽ 15
1721 ഏപ്രിലിൽ ആറ്റിങ്ങലിലെ നാട്ടുകാർ അവിടത്തെ ബ്രിട്ടീഷ് ഫാക്ടറി ആക്രമിക്കുകയും 140 കമ്പനി പടയാളികളെ വധിക്കുകയും ചെയ്തു.
തുടർന്ന് അവർ അഞ്ചുതെങ്ങ് കോട്ട പിടിച്ചെടുത്തു.
നാട്ടുകാരുടെ എതിർപ്പിനു പിന്നിലുണ്ടായിരുന്ന കാരണങ്ങൾ :
ഇംഗ്ലീഷുകാരുടെ വൻതോതിലുള്ള അഴിമതി
കുരുമുളകിന്റെ വിലയിൽ കമ്പനി നടത്തിയ ക്രമക്കേടുകൾ
പ്രാദേശിക നാടുവാഴികളായ പിള്ളമാരുടെ ഏജന്റുമാരെ ഒഴിവാക്കി ആറ്റിങ്ങൽ റാണിക്ക് ബ്രിട്ടീഷുകാർ ഒരു വാർഷിക സമ്മാനം നേരിട്ട് കൈമാറാൻ തീരുമാനിച്ചത്.
ആറ്റിങ്ങൽ കലാപത്തിൽ വധിക്കപ്പെട്ട അഞ്ചുതെങ്ങ് കോട്ടയുടെ പ്രധാന ബ്രിട്ടീഷ് ഉദ്യോഗസ്ഥൻ - ഗൈഫോർഡ്.
കലാപം നടന്ന കാലത്തെ വേണാട് ഭരണാധികാരി - ആദിത്യ വർമ്മ
വേണാട് ഉടമ്പടി
ആറ്റിങ്ങൽ കലാപാനന്തരം ഒപ്പുവെച്ച ഉടമ്പടി - വേണാട് ഉടമ്പടി
ബ്രിട്ടീഷ് ഈസ്റ്റിന്ത്യാ കമ്പനിയും ഒരു ഇന്ത്യൻ നാട്ടുരാജ്യവും ഒപ്പുവയ്ക്കുന്ന ആദ്യത്തെ ഉടമ്പടി - വേണാട് ഉടമ്പടി
വേണാട് ഉടമ്പടി ഒപ്പുവെച്ച വർഷം - 1723
വേണാട് ഉടമ്പടി ഒപ്പുവെച്ചത് : അന്നത്തെ യുവരാജാവായ മാർത്താണ്ഡവർമ്മയും ബ്രിട്ടീഷ് ഉദ്യോഗസ്ഥനായ അലക്സാണ്ടർ ഓമും തമ്മിൽ.
വേണാട് ഉടമ്പടിയിൽ നെയ്യാറ്റിൻകരയുടെ രാജകുമാരൻ എന്നപേരിൽ ഒപ്പുവച്ച ഭരണാധികാരി - മാർത്താണ്ഡവർമ
ഈ ഉടമ്പടിയിൽ തിരുവിതാംകൂർ രാജാവ് സ്വന്തം ചെലവിൽ ഇംഗ്ലീഷുകാർക്ക് കുളച്ചലിൽ ഒരു കോട്ട കെട്ടി കൊടുക്കാമെന്ന് ഏറ്റു.