റിഫോംസ് കമ്മിഷണറായ ആദ്യത്തെ ഇന്ത്യക്കാരൻ?
Aവി.പി.മേനോൻ
Bസി.ഡി.ദേശ്മുഖ്
Cവിനോബാ ഭാവെ
Dമൊറാർജി ദേശായി
Answer:
A. വി.പി.മേനോൻ
Read Explanation:
വി.പി. മേനോൻ
- മുഴുവൻ പേര് : വാപ്പാല പങ്കുണ്ണി മേനോൻ
- സ്വാതന്ത്ര്യാനന്തരം ഇന്ത്യയുടെ രാഷ്ട്രീയ ഏകീകരണത്തിൽ മുഖ്യപങ്ക് വഹിച്ച വ്യക്തി.
- കേരളത്തിലെ ഒറ്റപ്പാലത്ത് 1893 സെപ്റ്റംബർ 30-ആം തീയതി ജനിച്ചു
- 1914ൽ സെക്രട്ടറിയേറ്റിൽ ക്ലർക്കായി ഔദ്യോഗിക ജീവിതം ആരംഭിച്ചു.
- 1914-ൽ പ്രൊവിൻഷ്യൽ സിവിൽ സർവീസിൽ ഉദ്യോഗസ്ഥനായി.
- 1933 മുതൽ 1934 വരെ റിഫോംസ് ഓഫീസിൽ ഇന്ത്യാ ഗവൺമെന്റിന്റെ അസിസ്റ്റന്റ് സെക്രട്ടറിയായി സേവനമനുഷ്ഠിച്ചു.
- പിന്നീട് 1934 മുതൽ 1935 വരെ അണ്ടർ സെക്രട്ടറിയായും 1935 മുതൽ 1940 വരെ ഡെപ്യൂട്ടി സെക്രട്ടറിയായും പ്രവർത്തിച്ചു
- 1941 മുതൽ 1942 വരെ ഇന്ത്യാ ഗവൺമെന്റിന്റെ ജോയിന്റ് സെക്രട്ടറിയായും പ്രവർത്തിച്ചു.
- കഠിനാധ്വാനം ചെയ്തുകൊണ്ട് മേനോൻ ബ്രിട്ടീഷ് ഇന്ത്യയിൽ ഏറ്റവും ഉയർന്ന ഉദ്യോഗസ്ഥനായി ഉയർന്നു.
- 1945 ജൂണിൽ സിംല കോൺഫറൻസിൽ ജോയിന്റ് സെക്രട്ടറിയായി സേവനമനുഷ്ഠിച്ചു
- മൗണ്ട് ബാറ്റൺ പ്രഭു വൈസ്രോയി ആയിരിക്കേ അദ്ദേഹം 1947ൽ റിഫോംസ് കമ്മീഷണറായി.
- ഒരു ഇന്ത്യക്കാരനു ലഭിച്ച ആദ്യത്തെ റിഫോംസ് കമ്മീഷണർ സ്ഥാനമായിരുന്നു അത്.
- ബ്രിട്ടീഷ് ഇന്ത്യയെ ഇന്ത്യയെന്നും, പാകിസ്ഥാനെന്നും രണ്ടു രാജ്യങ്ങളായി വിഭജിക്കാനുള്ള 'മൗണ്ട് ബാറ്റൻ പദ്ധതി' രൂപീകരിക്കാൻ മൗണ്ട് ബാറ്റനെ സഹായിച്ചത് വി.പിമേനോൻ ആയിരുന്നു.
- സ്വാതന്ത്ര്യാനന്തരം നാട്ടുരാജ്യവകുപ്പു സെക്രട്ടറിയെന്ന നിലയിൽ അഞ്ഞൂറോളം നാട്ടുരാജ്യങ്ങളെ ഇന്ത്യയോടു സംയോജിപ്പിക്കുന്നതിൽ സർദാർ വല്ലഭായി പട്ടേലിനോടൊപ്പം വി.പി.മേനോൻ പ്രവർത്തിച്ചു
- 1948-ൽ അദ്ദേഹത്തിന് നൈറ്റ്ഹുഡ് (knighthood) വാഗ്ദാനം ചെയ്യപ്പെട്ടുവെങ്കിലും അദേഹം അത് നിരസിച്ചു.
- 1951ൽ ഉദ്യോഗത്തിൽനിന്നു വിരമിച്ചശേഷം മേനോൻ കുറച്ചുകാലം ഒറീസ്സാ ഗവർണറായി സേവനമനുഷ്ഠിച്ചു.
- ഒരു ഇന്ത്യൻ സംസ്ഥാനത്ത് ഗവർണർ പദവി വഹിച്ച ആദ്യ മലയാളിയാണ് വി. പി മേനോൻ
- പിന്നീട് അദ്ദേഹം 'സ്വതന്ത്ര പാർട്ടി'യിൽ ചേർന്നുവെങ്കിലും തിരഞ്ഞെടുപ്പിൽ മത്സരിച്ചില്ല.
- 1965 ഡിസംബർ 31-ന് 72-ആം വയസ്സിൽ അന്തരിച്ചു.
പുസ്തകങ്ങൾ
- ദി ട്രാൻസ്‌ഫർ ഓഫ് പവർ ഇൻ ഇന്ത്യ
- ദി സ്റ്റോറി ഓഫ് ദി ഇന്റഗ്രേഷൻ ഓഫ് ഇന്ത്യൻ സ്റ്റേറ്റ്സ്