Question

താഴെ പറയുന്നവയിൽ പഞ്ചായത്ത് രാജ് സംവിധാനവുമായി ബന്ധമില്ലാത്തതേതാണ് ?

• A. ബൽവന്ത്റായ് മെഹ്ത കമ്മിറ്റി
• B. സർക്കാരിയ കമ്മീഷൻ
• C. പി. കെ. തുംഗൻ കമ്മിറ്റി
• D. അശോക് മേഹ്ത്ത കമ്മിറ്റി

Answer 1

Answer:

B. സർക്കാരിയ കമ്മീഷൻ

• 1957 ജനുവരിയിൽ, കമ്മ്യൂണിറ്റി ഡെവലപ്‌മെന്റ് പ്രോഗ്രാമിന്റെയും (1952) നാഷണൽ എക്‌സ്‌റ്റൻഷൻ സർവീസിന്റെയും (1953) പ്രവർത്തനങ്ങൾ വിലയിരുത്താൻ ഇന്ത്യാ സർക്കാർ ഒരു കമ്മിറ്റിയെ നിയോഗിച്ചു.

• ബൽവന്ത് റായ് ജി മേത്ത ആയിരുന്നു ഈ സമിതിയുടെ അധ്യക്ഷൻ.

• 1957 നവംബറിൽ കമ്മിറ്റി അതിന്റെ റിപ്പോർട്ട് സമർപ്പിക്കുകയും 'ജനാധിപത്യ വികേന്ദ്രീകരണ' പദ്ധതി സ്ഥാപിക്കാൻ ശുപാർശ ചെയ്യുകയും ചെയ്തു,

• അത് ആത്യന്തികമായി പഞ്ചായത്തി രാജ് എന്നറിയപ്പെട്ടു.

• സമിതിയുടെ ശുപാർശകൾ 1958 ജനുവരിയിൽ ദേശീയ വികസന കൗൺസിൽ അംഗീകരിച്ചു.

• ത്രിതല പഞ്ചായത്തീരാജ് സംവിധാനം ഇന്ത്യയിൽ നിലവിൽ വന്നത് ബൽവന്ത് റായ് കമ്മിറ്റിയുടെ ശുപാർശ പ്രകാരമാണ്.

• 1977 ഡിസംബറിൽ പഞ്ചായത്തീരാജ് സ്ഥാപനങ്ങളെ കുറിച്ച് പഠിക്കാൻ ജനതാ സർക്കാർ അശോക് മേത്ത കമ്മിറ്റി രൂപീകരിച്ചു.

• 'കമ്മിറ്റി ഓൺ പഞ്ചായത്തീരാജ് ഇൻസ്റ്റിറ്റ്യൂഷൻസ്' എന്നും ഈ കമ്മിറ്റി  അറിയപ്പെടുന്നു.

• ജില്ലാതലത്തിൽ ജില്ലാ പരിഷത്തുകളും മണ്ഡല് പഞ്ചായത്തുകളും ഉൾപ്പെടുത്തി പഞ്ചായത്ത് രാജ് ദ്വിതല ഘടന വേണമെന്ന് ഈ കമ്മിറ്റി വാദിച്ചു.

• 1978 ഓഗസ്റ്റിൽ, രാജ്യത്തെ പഞ്ചായത്തീരാജ് സംവിധാനം പുനരുജ്ജീവിപ്പിക്കുന്നതിനും ശക്തിപ്പെടുത്തുന്നതിനുമായി 132 ശുപാർശകളുള്ള ഒരു റിപ്പോർട്ട് കമ്മിറ്റി  സമർപ്പിച്ചു.

 

• 1989-ൽ തദ്ദേശസ്വയംഭരണ സ്ഥാപനങ്ങൾക്ക് ഭരണഘടനാപരമായ അംഗീകാരം നൽകാൻ പി.കെ. തുംഗൻ അധ്യക്ഷനായുള്ള തുംഗൻ കമ്മിറ്റി ശുപാർശ ചെയ്തു.

• തദ്ദേശസ്വയംഭരണ സ്ഥാപനങ്ങളിലേക്ക് കാലാനുസൃതമായ തിരഞ്ഞെടുപ്പ് നടത്തുന്നതിനും ഫണ്ട് സഹിതം അവയ്ക്ക് ഉചിതമായ ചുമതലകൾ നൽകുന്നതിനുമുള്ള ഭരണഘടനാ ഭേദഗതി കമ്മിറ്റി നിർദേശിച്ചു .

• 73-ാം ഭരണഘടനാ പ്രകാരമുള്ള കേരള പഞ്ചായത്ത്‌ രാജ്‌ നിയമം 1994 ഏപ്രിൽ 23നും 74-ാം ഭരണഘടനാ പ്രകാരമുള്ള കേരള മുനിസിപ്പാലിറ്റി നിയമം 1994 മേയ്‌ 30 നും നിലവില്‍ വന്നു.

• ഏപ്രിൽ 24 ന് ആണ് ദേശീയ പഞ്ചായത്ത് രാജ് ദിനം ആചരിക്കുന്നതെങ്കിലും പഞ്ചായത്ത് രാജിൻ്റെ പിതാവായ ബൽവന്ത്റായ് മേത്തയുടെ ജന്മദിനമായ ഫെബ്രുവരി 19 ആണ് കേരളത്തിൽ പഞ്ചായത്ത് രാജ് ദിനം ആയിട്ട് ആചരിക്കുന്നത്

• പഞ്ചായത്തുകളുടെ രൂപീകരണത്തെക്കുറിച്ച് പ്രതിപാദിക്കുന്ന ഭരണഘടനാ വകുപ്പ് - അനുച്ഛേദം 40

• പഞ്ചായത്തീരാജിന് ഭരണഘടനാ സാധുത നൽകിയ ഭേദഗതി - 73-ാം ഭേദഗതി 1992

• പഞ്ചായത്തീരാജ് നിയമം നിലവിൽ വന്നത് - 1993 ഏപ്രിൽ 24

• ദേശീയ പഞ്ചായത്ത് രാജ് ദിനം - ഏപ്രിൽ 24 (2011 മുതൽ) മുൻപ് ഫെബ്രുവരി 19 ആയിരുന്നു

• 'പഞ്ചായത്തീരാജ്' എന്ന പദത്തിന്റെ ഉപജ്ഞാതാവ് - ജവഹർലാൽ നെഹ്‌റു