തലയ്ക്കൽ ചന്തു സ്മാരകം സ്ഥിതി ചെയ്യുന്നത് :
Aതോന്നയ്ക്കൽ
Bപനമരം
Cമാവിലത്തോട്
Dതലശ്ശേരി
Answer:
B. പനമരം
Read Explanation:
രണ്ടാം പഴശ്ശി യുദ്ധം
- കാലയളവ് : 1800 – 1805
- കുറിച്യറുടെയും കുറുംബരുടെയും സഹായത്തോടെ പഴശ്ശി ഗോറില്ലാ യുദ്ധം നടത്തിയത് വയനാടൻ കാടുകളിൽ വച്ചാണ്
- നാലാം മൈസൂർ യുദ്ധത്തിന്റെ അനന്തരഫലമാണ് രണ്ടാം പഴശ്ശി യുദ്ധം
- രണ്ടാം പഴശ്ശി വിപ്ലവത്തിന്റെ പെട്ടെന്നുണ്ടായ കാരണം : ബ്രിട്ടീഷുകാർ വയനാട് പിടിച്ചെടുക്കാൻ ശ്രമിച്ചതാണ്
- എടച്ചേന കുങ്കൻ, കണ്ണവത്ത് ശങ്കരൻ നമ്പ്യാർ, ചെമ്പൻ പോക്കർ, കൈതേരി അമ്പു നായർ, വയനാട്ടിലെ കുറിച്യർ നേതാവായ തലക്കൽ ചന്തു എന്നിവരുടെ നേതൃത്വത്തിൽ യുദ്ധമാരംഭിച്ചു.
- പഴശ്ശി രാജാവിന്റെ സർവ്വസൈന്യാധിപൻ ആയിരുന്നു : കൈതേരി അമ്പു നായർ
- പഴശ്ശിരാജയുടെ പ്രധാനമന്ത്രിയായിരുന്നു : കണ്ണവത്ത് ശങ്കരൻ നമ്പ്യാർ
- ബ്രിട്ടീഷുകാർക്കെതിരെ പൊരുതാൻ പഴശ്ശിരാജാവിനെ സഹായിച്ച ആദിവാസി വിഭാഗമാണ് : കുറിച്യർ
- രണ്ടാം പഴശ്ശി വിപ്ലവത്തിൽ പഴശിരാജയെ സഹായിച്ച കുറിച്യരുടെ നേതാവാണ് : തലക്കൽ ചന്തു
(തലയ്ക്കൽ ചന്തു സ്മാരകം സ്ഥിതി ചെയ്യുന്നത് : പനമരം (വയനാട്))
- മലബാർ, മൈസൂർ, തെക്കൻ കാനറ എന്നീ പ്രദേശങ്ങളിൽ ഒക്കെ ബ്രിട്ടീഷ് കമാൻഡറായിരുന്ന ആർതർ വെല്ലസ്ലിയെ പഴശ്ശിരാജയുമായുള്ള യുദ്ധം നയിക്കാൻ ആയി ഇവിടെ നിയമിച്ചു
- ആർതർ വെല്ലസ്ലി വയനാട് മേഖലയിൽ നിരവധി റോഡുകളും സൈനിക കേന്ദ്രങ്ങളും സ്ഥാപിച്ചു
- കേണൽ സ്റ്റീവൻസിന്റെ നേതൃത്വത്തിൽ ഒരു സംഘം മൈസൂരിൽ നിന്നും വയനാട്ടിലേക്ക് കടന്നു.
- തുടർന്നുണ്ടായ യുദ്ധത്തിൽ ബ്രിട്ടീഷ് പട്ടാളത്തിന് വലിയ വിജയം കൈവരിക്കാൻ സാധിച്ചു.
- ഈ യുദ്ധത്തിൽ പഴശിരാജയുടെ പ്രധാന നേതാക്കളായ ചുഴലി നമ്പ്യാരും, പെരുവയൽ നമ്പ്യാരും തടവിലാക്കപ്പെട്ടു.
- ഇതിനിടയിൽ ജനറൽ മെക്കലോയിഡ് ഭൂനികുതി വർധിപ്പിച്ച് ജനങ്ങളെ ഉപദ്രവിക്കാൻ തുടങ്ങി
- ഈ സമയത്ത് പഴശ്ശി പോരാളികൾ ഒളിത്താവളങ്ങളിൽ നിന്നും പുറത്ത് വരികയും ജനങ്ങളോടൊപ്പം ചേരുകയും ചെയ്യുമെന്ന് ബ്രിട്ടീഷുകാർ വിശ്വസിച്ചു.
- അതിനു വേണ്ടിയാണ് ഇങ്ങനെ ഒരു നികുതി വർധനവ് ഏർപ്പെടുത്തിയത്.
- അവരുടെ വിശ്വാസം ശരിയായി.
- പഴശ്ശി സൈന്യം അഞ്ചരക്കണ്ടിയിൽ ഉള്ള ബ്രിട്ടീഷ് സുഗന്ധദ്രവ്യ കൃഷിതോട്ടം പൂർണമായി നശിപ്പിച്ചു.
- പഴശ്ശി കലാപ സമയത്ത് തകർക്കപ്പെട്ട ഏഷ്യയിലെ തന്നെ ആദ്യത്തേതും ഏറ്റവും വലുതുമായ കറുവ തോട്ടം : അഞ്ചരക്കണ്ടി
- പഴശ്ശിരാജയെയും സൈന്യത്തെയും തോൽപ്പിക്കുവാൻ വേണ്ടി ബ്രിട്ടീഷുകാർ ഒരു പോലീസ് സേനയെ നിയോഗിച്ചു.
- പഴശ്ശിരാജ ക്കെതിരെ യുദ്ധം ചെയ്യാൻ ആതർ വെല്ലസ്ലീ നിയമിച്ച 1200 പോലീസുകാർ അടങ്ങിയ പ്രത്യേക സേന : കോൾകാർ
- രണ്ടാം പഴശ്ശി വിപ്ലവ സമയത്ത് ബ്രിട്ടീഷ് പട്ടാള മേധാവി : ആർതർ വെല്ലസ്ലി
- രണ്ടാം പഴശ്ശി വിപ്ലവ സമയത്ത് മലബാറിലെ / തലശ്ശേരി സബ്കളക്ടർ : തോമസ് ഹാർവെ ബാബർ (1804)
- രാജാവിനെ പിടിച്ചു കൊടുക്കുന്നവർക്ക് 3000 രൂപ സമ്മാനത്തുകയും, മറ്റുള്ള 11 പ്രധാന പ്രമുഖ നേതാക്കളെ പിടിച്ചു കൊടുക്കുന്നവർക്ക് 300 മുതൽ 1000 രൂപ വരെ സമ്മാനത്തുകയും നൽകുന്നതാണെന്ന് ബ്രിട്ടീഷുകാർ പ്രഖ്യാപിച്ചു
- വയനാട്ടിലെ മാവിലത്തോട് എന്ന സ്ഥലത്ത് വെച്ച് പഴശ്ശിരാജയും ബ്രിട്ടീഷുകാരും തമ്മിൽ ഏറ്റുമുട്ടുകയും പഴശ്ശിരാജാ വീരമൃത്യു വരിക്കുകയും ചെയ്തു.
- വെടിയേറ്റു വീഴുമ്പോൾ പഴശ്ശിരാജ പറഞ്ഞ അവസാനത്തെ വാക്കുകൾ : ചതിയാ അടുത്ത് വരരുത്, എന്നെ തൊട്ട് അശുദ്ധമാക്കരുത്
- പഴശ്ശിരാജ മരണമടഞ്ഞ വർഷം : 1805 നവംബർ 30
- പഴശ്ശി വിപ്ലവത്തെ അടിച്ചമർത്തിയ ബ്രിട്ടീഷ് സൈന്യാധിപൻ : കേണൽ ആർതർ വെല്ലസ്ലി