ഒക്ടോബർ വിപ്ലവവുമായി ബന്ധപ്പെട്ട പ്രധാന സംഭവവികാസങ്ങൾ റഷ്യയിൽ എവിടെയാണ് നടന്നത്?
Aമോസ്കോ
Bപെട്രോഗ്രാഡ്
Cകിയെവ്
Dമിൻസ്ക്
Answer:
B. പെട്രോഗ്രാഡ്
Read Explanation:
ഒക്ടോബർ വിപ്ലവം
- ഫെബ്രുവരി വിപ്ലവാനനന്തരം റഷ്യയിൽ നിലവിൽ വന്ന താൽക്കാലിക ഗവൺമെന്റിനെ റഷ്യയിലെ സോവിയറ്റുകളിൽ ഒരു വിഭാഗം അംഗീകരിച്ചില്ല.
- ഈ സമയം സ്വിറ്റ്സർലൻഡിൽ കഴിയുകയായിരുന്ന വ്ളാഡിമിർ ലെനിൻ റഷ്യയിലെത്തി താൽക്കാലിക ഗവൺമെൻ്റിനെ ശക്തമായി എതിർത്തു.
- വിപ്ലവം അതിൻ്റെ ലക്ഷ്യം നേടണമെങ്കിൽ അധികാരം മുഴുവൻ സോവിയറ്റുകൾക്ക് കൈമാറണമെന്ന് അദ്ദേഹം ആവശ്യപ്പെട്ടു.
- ബോൾഷെവിക്കുകളും സോവിയറ്റുകളും ലെനിന്റെ നിലപാടിനെ പിന്തുണച്ചു.
- നൂറ്റാണ്ടുകൾ പഴക്കമുള്ള സാമ്പത്തിക പിന്നാക്കാവസ്ഥയും ജനങ്ങൾക്കിടയിലെ അസമത്വവും ഇല്ലാതാക്കാൻ ഒരു തൊഴിലാളിവർഗ ഭരണകൂടത്തിനുമാത്രമേ കഴിയുകയുള്ളുവെന്ന് ബോൾഷെവിക്കുകൾ പ്രചരിപ്പിച്ചു.
- താൽക്കാലിക ഗവൺമെന്റിനെ അട്ടിമറിച്ച് അധികാരം പിടിച്ചെടുക്കണമെന്ന് നിർണായക തീരുമാനം ഒക്ടോബർ 20ന് പെട്രോഗാഡിൽ സോവിയറ്റുകൾ കൈക്കൊണ്ടു.
- 1917 ഒക്ടോബറിൽ ബോൾഷെവിക്കുകൾ താൽക്കാലിക ഗവൺമെൻ്റിനെതിരായി സായുധകലാപമാരംഭിച്ചു.
- ട്രോടെസ്സ്കിയുടെ നേതൃത്വത്തിലുള്ള ചുവപ്പ് കാവൽ സേന വിപ്ലവത്തിനുള്ള ഒരുക്കങ്ങൾ നടത്തി.
- പ്രധാനപ്പെട്ട എല്ലാ ഗവൺമെന്റ് സ്ഥാപനങ്ങളും പിടിച്ചെടുത്ത വിപ്ലവകാരികൾ നവംബർ 7ന് (ഒക്ടോബർ 25) ഗവൺമെന്റിന്റെ ആസ്ഥാനമായ വിന്റർ പാലസും പിടിച്ചെടുത്തു.
- കെരൻസ്ക്‌കി രാജ്യം വിട്ടുപോവുകയും റഷ്യ ബോൾഷെവിക്കുകളുടെ നിയന്ത്രണത്തിലാവുകയും ചെയ്‌തു.
- ബോൾഷെവിക്കുകൾക്ക് അധികാരം ലഭിച്ച ഈ സംഭവം ഒക്ടോബർ വിപ്ലവം (റഷ്യൻ കലണ്ടർ പ്രകാരം) എന്നറിയപ്പെടുന്നു